У Беларусі з 1 лістапада павышаюцца памеры бюджэту пражытачнага мінімуму

У Беларусі з 1 лістапада павышаюцца памеры бюджэту пражытачнага мінімуму (БПМ). Аб гэтым БЕЛТА паведамілі ў прэс-службе Міністэрства працы і сацыяльнай абароны.

Пастановай Міністэрства працы і сацыяльнай абароны ад 19 кастрычніка 2026 года №88 на перыяд з 1 лістапада 2026 года па 31 студзеня 2027 года зацверджаны памеры БПМ у сярэднім на душу насельніцтва і па асноўных сацыяльна-дэмаграфічных групах.

БПМ у сярэднім на душу насельніцтва ўстаноўлены ў памеры 535,70 рубля. Памер БПМ для працаздольнага насельніцтва складае 574,47 рубля, для пенсіянераў - 381,27 рубля, для дзяцей да 3 гадоў - 332,62 рубля, для дзяцей ад трох да шасці гадоў - 444,34 рубля, а для дзяцей ад 6 да 18 гадоў - 525,44 рубля.

Прапарцыянальна росту БПМ аўтаматычна павялічваюцца асобныя сацыяльныя выплаты, якія вылічваюцца ад яго памеру: памеры дзяржаўных дапамог сем'ям, якія выхоўваюць дзяцей, даплаты да пенсій, дапамогі па доглядзе інваліда І групы або асобы, якая дасягнула 80-гадовага ўзросту, а таксама сацыяльныя пенсіі.

Гэта чацвёрты пераразлік БПМ у 2026 годзе. З пачатку года гэты нарматыў павялічыўся на 9,1%, пры гэтым узровень інфляцыі за 9 месяцаў 2026 года склаў 3,6%. Гэта азначае, што пакупная здольнасць людзей, чые даходы прывязаны да БПМ, не проста захавалася, а вырасла, адзначылі ў ведамстве.

БЕЛТА