"З моладдзю на роўных" - у Чачэрску прайшла сустрэча-дыялог кіраўніцтва раёна з маладымі спецыялістамі, якія прыбылі ў раён

У цёплай абстаноўцы за кубкам гарбаты з моладдзю сустрэліся кіраўнік раёна Юрый Дзеркачоў, намеснік старшыні райвыканкама Юлія Басаргіна і начальнікі аддзелаў райвыканкама. Хлопцам і дзяўчатам расказалі аб умовах ільготнага крэдытавання маладых спецыялістаў, магчымасці палепшыць жыллёвыя ўмовы, моладзевых ініцыятывах, што рэалізуюцца ў раёне і правядзенні тыдня маладога спецыяліста на Чачэршчыне. Кіраўнік раёна выказаў надзею, што першае працоўнае месца будзе для ўсіх камфортным, большасць маладых людзей створаць сем'і і застануцца жыць і працаваць на карысць раёна. Час дыялогу для моладзі праляцеў незаўважна. Кожны запазычыў для сябе шмат карыснай інфармацыі, тыя, каго хвалявалі нейкія праблемы, змаглі іх агучыць. Да спіса