15 студзеня – апошні дзень вылучэння кандыдатаў у дэпутаты. Прэтэндэнтаў на дэпутацкі мандат вызначаюць працоўныя калектывы, палітычныя партыі і грамадзяне шляхам збору подпісаў

Пасля завяршэння актыўнай фазы вылучэння кандыдатаў і прадстаўлення адпаведных дакументаў Цэнтральная выбарчая камісія будзе іх разглядаць і прымаць далейшыя рашэнні па рэгістрацыі кандыдатаў. На гэты этап адводзіцца тэрмін не пазней за 30 студзеня. Агітацыйная кампанія пройдзе з 31 студзеня па 24 лютага.

Да адзінага дня галасавання застаецца крыху больш за месяц. Ён пройдзе 25 лютага. Беларусы будуць выбіраць дэпутатаў усіх узроўняў.