Скасоўваецца Дэпартамент па ліквідацыі наступстваў катастрофы на ЧАЭС. Каму перададуць яго функцыі

15 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка 14 лістапада падпісаў указ нумар 405 "Аб Міністэрстве па надзвычайных сітуацыях Рэспублікі Беларусь". Аб гэтым БЕЛТА паведамілі ў прэс-службе кіраўніка дзяржавы.

Дакументам скасоўваецца Дэпартамент па ліквідацыі наступстваў катастрофы на Чарнобыльскай АЭС. Пры гэтым задачы і функцыі дэпартамента і яго структурных падраздзяленняў перадаюцца Дзяржатамнагляду МНС, Міністэрству прыродных рэсурсаў і аховы навакольнага асяроддзя, канцэрну "Беллегпрам", Гомельскаму і Магілёўскаму аблвыканкамам.

Указам таксама зацвярджаюцца новыя рэдакцыі палажэнняў аб МНС і яго дэпартаментах.-0-

Навіны Беларусі (БЕЛТА)