Ударыла непагадзь па ўраджаю

3 жніўня, Чачэрск /Уласн. інф./. Ад праліўных дажджоў, якія прайшлі ў мінулыя выхадыя, дасталося не толькі жыхарам Чачэршчыны, але і палеткам. Больш за ўсіх пацярпелі зерне-бабовыя – 364 гектары іх пераведзены ў кармавую групу. Такі ж лёс напаткаў і іншыя азімыя і яравыя зерневыя культуры: жыта – 138 гектараў, пшаніцы азімай – 30, яравой – 164, трыцікале азімага – 166, ячменю – 281, аўсу – 186 гектараў. Кукурузы прыйдзецца ўбраць на зерне менш на 285 гектараў, чым планавалася. Пашкодзіў дождж таксама 5 гектараў бульбы і 27 – буракоў. Больш за іншыя не пашанцавала СГФ “Прыазёрны”. Тут нават 23 гектары рапсу “зачапіла” непагадзь.

Версия для печати

Смотреть все