На апаратнай нарадзе

5 сакавіка, Чачэрск /Уласн. Інф./Пытанні энергазберагання  і выкананне пунктаў Дырэктывы №3 былі названы аднымі з першых на апаратнай нарадзе старшыні райвыканкама. Асабліва акцэнт быў зроблены на правядзенне мерапрыемстваў у дадзеным накірунку на прадпрыемствах сельскай гаспадаркі, дзе яшчэ не заўсёды дакладна ведаюць, як правільна арганізаваць гэты працэс. Гаварылася і аб своечасовай аплаце за выкарыстаныя энергарэсурсы. Адносна ўстаноўкі прыбораў уліку вады, то з насельніцтвам праводзіцца пэўная работа, ужо 118 кватэр і прыватных домаўладанняў, па словах дырэктара КЖУП “Чачэрскае” В.Марчанкі, забяспечаны лічыльнікамі расходу вады.

Далей Васіль Міхайлавіч закрануў таксама тэму падрыхтоўкі тэхнікі і сельгасагрэгатаў да вясенняга севу, забеспячэнне гаспадарак мінеральнымі тукамі і наяўнасць кадравага патэнцыялу. Як стала вядома, сёння адчуваецца “голад” механізатараў у КСУП “Батвінава” і ПСУП “Крутое”.

На nапаратнай нарадзе былі агавораны і іншыя пытанні, што датычаць жыццядзейнасці раёна.