Могілкі ў еўрапейскім стылі

30 красавiка, Чачэрск /Уласн. iнф./. Пачатыя раней работы па добраўпарадкаванню новых гарадскіх могілак, што па дарозе на Чырвоны Бор, працягваюцца. Вакол месца пахавання памерлых па перыметру ўстаноўлена жалезабетонная агароджа, пастаўлена металічная брама, адрамантаваны рытуальны домік. На тэрыторыі могілак вырублены кустарнік, плошча разбіта па сектарах. У далейшым плануецца правесці электраасвятленне, абсталяваць аўтамабільную стаянку, пракласці асфальтныя дарожкі. Наогул, як сказаў дырэктар КЖУП “Чачэрскае” С.І.Мішакоў, тут будзе прыменена новая форма ўстаноўкі надтрунных прыстасаванняў. Замест крыжоў на ўзгоркі свежай зямлі лягуць спецыяльныя пліты з надпісам прозвішча памерлага і парадкавым нумарам магілы. У раёне пачынаюць дзейнічаць сучасныя газонныя могілкі еўрапейскага стылю. Смотреть все