Пакроўскія ігрышчы

11 кастрычніка, Чачэрск /Уласн. інф./. Жыхароў мікрараёна Новы можна назваць шчаслівымі. У тым сэнсе, што тут пастаянна праводзяца рознастайныя культурныя мерапрыемствы. Вось і ў мінулыя выхадныя прайшла конкурсна-забаўляльная праграма “Пакроўскі кірмаш”.

Арганізатар пакроўскіх пацех – раённы арганізацыйна-метадычны цэнтр. Забаўляльная праграма прайшла цікава і весела, а ўдзячныя гледачы сардэчна дзякавалі за хвіліны свята. Дарэчы, як сказалі самі чачаране, калі аналагічныя мерапрыемствы праводзяць работнікі РАМЦ, то ведай – яно будзе цікавым і неардынарным.