Памочнік Прэзідэнта – інспектар па Гомельскай вобласці Руслан Пархамовіч працуе ў Чачэрскім раёне

Першым пунктам маршруту стала КЖУП «Чачэрскае». Кіраўнік праінспектаваў дыспетчарскую службу прадпрыемства і даведаўся, як наладжана работа з заяўкамі ад людзей, якія маюць патрэбу ў своечасовай дапамозе. 

 

У ходзе размовы з работнікамі камунальнай сферы памочнік Прэзідэнта акцэнтаваў увагу на тым, як аварыя на Чарнобыльскай АЭС адбілася на Чачэршчыне. Зносіны ішлі ў фармаце адкрытага дыялогу. Прысутныя задавалі пытанні аб арэндным жыллі, пенсійным забеспячэнні і далейшых планах па развіцці раёна. 

 

Руслан Пархамовіч таксама азнаёміўся з умовамі ўтрымання, кармлення і даення буйной рагатай жывёлы на малочнатаварным комплексе «Залессе» гаспадаркі «Звязда». Далей кіраўнік у рамках працоўнага дня правёў прыём грамадзян.