На пасаду першага намесніка старшыні райвыканкама - начальніка ўпраўлення сельскай гаспадаркі і харчавання прызначаны Віктар Братачкін

Віктар Аляксеевіч нарадзіўся ў вёсцы Беляеўка Чачэрскага раёна. У 2001 годзе скончыў Буда-Кашалёўскі аграрны каледж, у 2017 годзе – Горацкую сельгасакадэмію. У сельскагаспадарчай галіне з 2001 года. Працоўную дзейнасць пачынаў майстрам у ААТ "Чачэрскагратэхсэрвіс". Працаваў загадчыкам майстэрняў, галоўным спецыялістам па ахове працы ўпраўлення сельскай гаспадаркі і харчавання райвыканкама. З 2014 па 2015 год займаў пасаду дырэктара «Чачэрскагратэхсэрвіса». Да прызначэння на пасаду ўзначальваў аддзел інтэнсіфікацыі ўпраўлення сельскай гаспадаркі і харчавання райвыканкама.