выканаўчы камітэт
У райвыканкаме прайшло пасяджэнне рабочай групы па каардынацыі дзейнасці суб'ектаў прафілактыкі па папярэджанні правапарушэнняў, якія спрыяюць гібелі людзей ад знешніх прычын у жыллёвым фондзе.
Пры падвядзенні вынікаў дзейнасці за 2025 год зроблены дэталёвы аналіз здарэнняў, звязаных з пажарамі, якія адбыліся на тэрыторыі раёна. Летась адбылося 15 пажараў, за 2024 год – 19. Гэта значыць зарэгістравана іх зніжэнне. І калі ў 2024-м было 2 факты гібелі людзей на пажарах, то летась трагедый не адбылося. Не дапушчана і ўзгарання аўтатранспарту.
У структуры надзвычайных сітуацый названыя пажары як у домаўладаннях, так і ў гаспадарчых пабудовах і лазнях. На жаль, праблемай застаецца злоўжыванне спіртнымі напоямі з боку асобных грамадзян, што і прыводзіць да разгулу вогненнай стыхіі. Намеснік старшыні райвыканкама Юлія Басаргіна паставіла перад суб'ектамі прафілактыкі задачу правесці прафілактычную работу з уладальнікамі дамоў і будынкаў, а таксама ў цэлым актывізаваць дзейнасць па павышэнні ўзроўню бяспекі на тэрыторыі раёна.
Супрацоўнікі РАНС правялі з прысутнымі вучобу адносна алгарытму дзейнасці суб'ектаў прафілактыкі правапарушэнняў і арганізацый па папярэджанні правапарушэнняў, якія спрыяюць гібелі людзей ад знешніх прычын у жыллёвым фондзе.
Пасяджэнне рабочай групы працягнулася відэаселектарнай нарадай, на якой агучана становішча спраў на тэрыторыі Гомельшчыны, звязанае з пажарамі, асаблівая ўвага нададзена таксама прафілактыцы суіцыдаў і спосабам пазбегнуць уплыву махляроў.