20 сакавіка, Чачэрск /Уласн. інф./ Незабывальным у сакавіку мінулага года стаў візіт на Чачэршчыну Нацыянальнага канцэртнага аркестру Беларусі пад кіраўніцтвам народнага артыста Беларусі, лаурэата Дзяржаўнай прэміі, прафесара Міхаіла Фінберга. Мерапрыемства праходзіла ў межах праграмы “Чачэрскія сустрэчы”. Чароўныя мелодыі духавых інструментаў, выступленне трубачоў і ансамбля салістаў на драўлянных інструментах, гурта “Аляксандра і Канстанцін” пакінулі ў сэрдцах чачаран шмат добрых пачуццяў. Маэстра дзякаваў жыхарам раёна за цёплы прыём і паабяцаў, што гэта сустрэча не стане апошняй. Бо адной з галоўных задач калектыў лічыць далучэнне жыхароў малых гарадоў і мястэчкаў да сусвету высокай музыкі.
І вось, як паведамілі ў аддзеле культуры райвыканкама, заўтра а 12-й гадзіне адбудзецца ассамблея: «Дыялог парламентарыяў Беларусі з актывам Чачэрскага раёна» у зале nпасяджэнняў райвыканкама. У 14 гадзін у кінаканцэртным Цэнтры “Октябрь” адбудзецца канцэрт «Беларуская інструментальная музыка. Лепшае». Там жа ў 16.30 запланавана адкрыццё мастацкай выставы і канцэрт народнага ансамбля народнай песні і музыкі «Палеская жывіца». А ўжо ў 17.00 прыхільнікі папулярных мелодый будуць мець магчымаць атрымаць асалоду ад выступленняў любімых спевакоў “Табе, Чачэрск, нашы песні!”.
Смотреть все