Бел
З мяшкамі для смецця на бераг Сожа паблізу аграгарадка Вазнясенскі і населенага пункта Міхайлаўскі разам з эколагамі выйшлі неабыякавыя да навакольнага асяроддзя сельскія жыхары.
Начальнік інспекцыі прыродных рэсурсаў і аховы навакольнага асяроддзя Ніна Аўсейцава арганізавала з работнікамі школы, бібліятэкі, клуба і сельскага Савету акцыю "Чысты бераг". За некалькі гадзін генеральнай уборкі актывісты ачысцілі прыбярэжную зону вадаёма ад пластыка, бутэлек, папяровага смецця. Такія "падснежнікі" здабывалі таксама з вады.
Экалагічны дэсант папрацаваў прадуктыўна - пакінуў пасля сябе чысты бераг. Жадаецца верыць, што такім ён і застанецца.
Да спіса